Ish-deputeti i Partisë Demokratike, Ervin Salianji ka reaguar në lidhje më propozimin e parlamentit holandez për rikthimin e vizave me Shqipërinë për shkak të kriminalitetit të shtuar.
Në një deklaratë për mediat, Salinaji bën fajtor kryeministrin Rama për vendimin e Holandës, duke thënë se krimi i organizuar, rrëmbimet, vrasjet, shitja e lëndëve narkotike mbretërojnë në Shqipëri.
Gjithashtu, ai thekson se çdo ditë jepen dënime për ndërtime pa leje apo suvatime, por nuk jepen dënime për grupet kriminale.
“Në shqipëri mbretëron krimi i organizuar, droga sheshit, rrëmbime, vrasjet. Por Rama dhe qeveria e tij bën gangsterin dhe dhunon protestuesit dhe plas nga banesa qytetarët. Vetëm në dy vite edi rama ka ndëshkuar me dënim gjykate 2156 familjarë, mijëra të tjerë janë dënuar për suvatime oborresh, ndërsa vendimet e gjykatave nuk ka asnjë të dënuar për grup të strukturuar kriminal”, tha Salianji.
Më tej, ish-deputeti premtoi se nëse PD vjen në pushtet do të garantojë dënimin e grupeve kriminale, punësim dhe kthimin e Policisë së Shtetit, i cili sipas tij është marrë peng nga Rama dhe shefat e tij.
