Parlamenti holandez i dha dritën jeshile Shqipërisë ditën e sotme, pasi votoi pro hapjes së negociatave me Bashkimin Evropian. Megjithatë, për negociatat, Holanda ka një kusht.
Mësohet se mocioni i hartuar nga dy deputetë holandezë, Roelien Kaminga dhe Mustafa Amhaouch kërkon që të ketë si kusht mbikëqyrjen e vazhdueshme të progresit të Shqipërisë nga Komisioni Evropian.
Në të, theksohet se duhet përfshirja e Holandës me përfaqësues të saj që do të raportojnë çdo vit në parlamentin holandez, sidomos në veçanti për çështjet e bashkëpunimit gjyqësor dhe migrimit.
“Shqipëria së fundmi ka bërë përparim në çështjet e kërkuara nga Bashkimi Evropian duke vënë në dukje se fillimi i negociatave të pranimit për Shqipërinë është vetëm fillimi i një proces të gjatë reformash,”- thuhet ndër të tjera në mocion.
Lajmin për votën pro të Holandës, e ka bërë të ditur ministrja e Punëve të Jashtme Olta Xhaçka gjatë ditës së sotme, përmes një postimi në rrjetet sociale.
Xhaçka shprehet se vendi ynë i ka plotësuar të gjitha kushtet, dhe është e gatshme që të presë Konferencën e Parë Ndërqeveritare.
”Holanda sapo votoi “Po”! Dritë jeshile nga Parlamenti Hollandez! Shqipëria ka përmbushur kushtet dhe është e gatshme të mbajë Konferencën e Parë Ndërqeveritare. Një lajm shumë i mirëpritur dhe një njohje e merituar e çlirimit të reformës sonë.”, shkroi Xhaçka në rrjetin social, Twitter.
NL ?? just voted “Yes”! Green light from the Dutch Parliament! Albania ?? has fulfilled the conditions and is ready to hold the first IGC.
Very welcomed news and a well deserved recognition of our reform deliverance. pic.twitter.com/IcuMK4zHEA— Olta Xhaçka?? (@xhacka_olta) June 17, 2021
