Pyll i dendur Hoia Baciu në Rumani, është një nga vendet më misterioze në planet. Shumë njerëz, kanë dëshmuar ekzistencën e dukurive paranormale. Në shumë raste fotografitë, xhirimet në këtë pyll, kanë nxjerrë imazhet fytyrash të pashpjegueshme.
Në vitet 1960, në këtë pyll pati pretendime për zbulimin e alienëve. Madje në një rast, një banor i zonës ia doli të fotografojë një disk fluturues.
Edhe sot shumica e vizitorëve, raportojnë për një ndjenjë të pazakontë gjatë qëndrimit të tyre në pyll. Disa prej tyre, nisën të ndihen fizikisht keq. Disa vizitorë kanë pësuar befas të gërvishtura dhe skuqje në trupat e tyre, edhe pse askush nuk i kishte sulmuar, apo nuk ishin kapur pas ndonjë dege.
Gjithashtu, vizitorët kanë dëshmuar se pajisjet elektronike, nisën t’u funksiononin keq sapo hynë brenda në pyll. Ka ndërkohë raporte të konsiderueshme të njerëzve, që thonë se kanë parë shfaqjen e dritave të çuditshme në pyll.
Në Hoia Baciu, vizitorët kanë dëgjuar jo rrallë zëra grash, ose janë goditur me gurë nga subjekte të padukshme. Ndërkohë, në disa seksione një pjesë e pemëve kanë një shtrirje jonormale, një anomali që deri tani nuk është arritur të shpjegohet nga asnjë shkencëtar./ Tirana Today
