30 gjimnazistë kanë përfunduar në spital ditën e sotme pasi dyshohet të jenë helmuar nga një sprajt piperi.
Ndërkohë së fundmi burimet policore kanë njoftuar se është shoqëruar në polici një nxënës i shkollës së mesme të përgjithshme “Janaq Kilica” në Fier, i dyshuar si shkaktar i ngjarjes së rëndë që ndodhi këtë paradite.
Ai dyshohet se ka hedhur sprajt në ambientet e shkollës.
“Sot rreth orës 11:10, në spitalin Rajonal Fier kanë shkuar për kontroll mjekësor disa nxënës të një shkolle të mesme që kanë pasur probleme me frymëmarrjen.
Menjëherë në vendngjarje kanë shkuar shërbimet e Policisë dhe grupi hetimor dhe nga veprimet e para të kryera në bashkëpunim të ngushtë me Prokurorinë Fier, Drejtorinë Arsimore dhe Drejtorinë e Shkollës, paraprakisht dyshohet se është përdorur sprajt piperi nga një nxënës i kësaj shkolle.
Grupi hetimor nën drejtimin e Prokurorisë vijon veprimet për të zbardhjen e plotë të kësaj ngjarje”, u tha më herët nga Policia.
