Partia Socialiste arrin të marrë për herë të parë pas shumë kohësh Bashkinë e Tropojës, e cila njihet si një bastion demokrat.
KQZ ka nxjerrë të dhënat zyrtare për këtë bashki, duke nxjerrë fitues Rexhë Byberin, kandidatin e koalicionit Aleanca për Shqipërinë Evropiane.
Në garë kundër Byberit, ishte vetëm kandidati i Bindjes Demokratike, Edison Hasanaj, i cili ka fituar vetëm 177 vota. Ndërkohë që Rexhë Byberi ka fituar 3538 vota. Tropoja bëhet kështu bashkia e 11-të, në të cilën janë mbyllur votimet.
