Ish-ministri i Mbrojtjes në qeverinë Berisha, Arben Imami ka luajtur një rol jetik në rrëzimin e ish-liderit demokrat nga pushteti 21 vjet më parë. Historianët britanikë, James Pettifer dhe Miranda Vickers në librin e tyre “Çështja shqiptare”, shkruajnë se me iniciativën e vet Imami, shkoi në Sarandë nëpërmjet kanalit të Korfuzit në përpjekje për të nisur bisedimet me drejtuesit vendorë.
“Kjo iniciativë e mbështetur nga grekët ishte më e suksesshme, dhe çoi në daljen e shpejtë të Bashkim Finos, kryetarit të Bashkisë së Gjirokastrës, si një udhëheqës i ri në shkallë vendi”- thuhet në librin e tyre.
Imami, ishte një nga drejtuesit e lëvizjes studentore. Por shumë shpejt u mënjanua shpejt nga partia. Ai u dhunua në sheshin Skënderbej gjatë protestës së opozitës në majin e vitit 1996, ndërsa në vitin 1997, mbështeti protestuesit kryesisht në jug në lëvizjen e tyre për rrëzimin e Berishës. Në vitin 2005 rikthehet në PD, duke mbajtur per 4 vite postin e Ministrit të Mbrojtjes.
