Ish-lojtari i FC Barcelona, kamerunasi Samuel Eto’o ndryshoi jetën e një djali nga Plateau, në Bregun e Fildishtë, pasi i dhuroi 4.500 euro. Djali edhe pse i vogël dukeshe se kishte një projekt dhe ëndra të mëdha dhe kjo e kishte motivuar futbollistin që t’ia dhuronte.
Çdo gjë ndodhi më shumë se dhjetë vjet më parë në një vizitë që Etoo kishte bërë në vendin afrikan: “Ishte në vitin 2007. Kisha shkuar në Bregun e Fildishtë, në Plateau. Kisha mbaruar punët që kisha dhe po prisja në makinë gruan time, por aty u fut me të shpejtë një i ri vendas. Të them të drejtën isha i frikësuar, por ai ishte i sjellshëm dhe menjëherë u qetësova,” shpjegoi ai.
“Vëlla, më vjen keq – tha ai – nuk dua të të sulmoj, dua vetëm t’ju them diçka, mund të telefononi policinë nëse dëshironi”. Ai ishte aq i mirë saqë i thashë atij të shpjegoheshe se cfarë kërkonte. “Vëlla, jam një shërbëtor këtu në Plateau, kam ambicie, ëndrra, projekte: por askush nuk mund të më ndihmojë, dua që ti të më japësh një hua”, tha ai.
Ishte një histori e shkurtër që më tregoi dhe një kërkesë spontane, që ngela i habitur, por brenda vetes isha i bindur se duhet ta ndihmoja: “E dëgjova dhe i thashë: Urdhëro, keni një çek prej 4.500 euro, dhe do të shkëmbejmë numrat, pasi do të kthehem këtu vitin tjetër. Ai u largua nga makina ime shumë i motivuar”, u shpreh kamerunasi.
Samuel Eto’o e dinte rezultatin mahnitës të gjestit të tij bujar dy muaj para se të takonte sërish djalin: “U ktheva atje në tetor 2008, por dy muaj më parë ai më telefonoi që të më thoshte se kishte pasur sukses. Kur mbërrita, e telefonova: u takuam dhe ai më tregoi dyqanin e tij dhe dy taksi të kuqe, ai drejtoi dyqanin dhe shoferët e taksive sollën faturat e tij gjatë natës,” tha ai për gazetën e lartpërmendur.
Një gjest spontan por që u kthye në një krenari të madhe: “Isha krenar për të .. A janë të gjithë njerëzit si ai, aq të impresionuar për të arritur diçka në jetë dhe aq inteligjentë, pasi do të doja të ndihmoja përsëri. Ai e bëri këtë aktivitetet dhe u rrit shumë, falë tij 25 të rinj gjetën një punë,” përfundoi ai. Përshtati TIRANA TODAY
