Të tjera detaje janë hedhur dritë në lidhje me krimin e pasionit që ndodhi sot. Xhafer Mata, 31-vjeçari nga Kukësi i mori jetën një 19-vjeçareje këtë të premte në Tiranë, pranë një kishe në zonën e Don Boskos. Vajza me të cilën i riu kishte pasur një lidhje disa mujore, por që kishte përfunduar me dëshirën e kësaj të fundit, quhej Xhulieta Çuni, nga Vinjolli i Matit. Në kushte të rënda psikologjike ai i ka dhënë fund edhe jetës së tij. Qëlloi veten me një plumb pas koke dhe ndërroi jetë rreth një orë më pas në spitalin e Traumës.
Marrëdhënia mes Xhuljetës dhe Xhaferit ka ekzistuar që prej kohës që ai ka qenë i martuar dhe ai është divorcuar me bashkëshorten me të cilën ka edhe një fëmijë 1 vjec pikërisht për shkak të 19-vjecares. Por lidhja e tyre nuk ka zgjatur më shumë se 6 muaj dhe e reja kishte kërkuar ndarjen. E këtë situatë i riu nuk e ka pranuar dot.
Xhafer Mata e qëlloi me 2 plumba pistolete Xhujletën dhe pasi qëndroi 15 minuta duke qarë me ngashërim në trotuar pasi e kishte vrare ish të dashurën, kaloi në anën tjetër të rrugës dhe qëlloi veten në kokë para policisë që kishte mbërritur në vendngjarje lajmëruar nga dëshmitarët e shumtë.
Vajza po shkonte për të dhënë sot provimin e letërsisë, pasi ishte maturante. Ajo kishte punuar për 5 muaj shitëse në një market të zonës, punë të cilën e kishte lënë që në muajin shkurt për shkak të provimeve dhe do të kthehej aty me të mbaruar shkollën.
32 vjecari i ndërpriste rrugën çdo ditë Xhulietës, për ta bindur që ta merrte nuse në shtëpi, për të kurorëzuar kështu lidhjen intime disavjeçare.
