Në mbledhjen e përbashkët mes dy qeverive në Prishtinë u arrat marrëveshja për të lehtësuar qarkullimin në kufirin mes Kosovës dhe Shqipërisë gjatë periudhës së verës. Përgjatë periudhës së verës ka lehtësim nga të dyja krahët. Për çdo fundjavë e feste shtetërore, shtetasit do të kalojnë pa pasur nevojë për rregjistrim nga organet kufitare, që të mos krijohet asnjë vonesë. Tashmë ky vendim është konkretizuar.
Kjo është fundjava e parë që zbatohet vendimi i marrë në mbledhjen e dy qeverive, që u mbajt më 20 qershor në Prishtinë.
Qytetarët shprehen të kënaqur me këtë vendim, dhe se u kursen kohën veçanërisht në sezonin e verës që krijohen radhë të gjata të automjeteve në kufi.
Vendimi i marrë në mbledhjen e përbashkët, do të jetë i vlefshëm deri më 30 shtator.
