Kandidati për deputet në Fier nga partia Aleanca Demokracia e RE, Andi Turhanaj, ka kryer kallëzim penal, për shkak të një kërcënimi të ardhur në drejtim të tij.
Ai ka deklaruar se mesditen e së premtes, pasi ishte shprehur se ia janë vjedhur votat, e kanë kërcënuar dy persona, të cilët e kanë paralajmëruar të heqë dorë nga pretendimi.
“Pas numërimit të votave, shumë vota tonat ishin bërë abstenim. Deklarova se kësaj gjëjë do i shkoja dëri në fund sepse isha i bindur për njerëzit që më mbështëtën. Prapa pallatit më prisnin dy persona. Njëri ishte mrapa, tjetri mu afrua dhe më tha ‘hiq dore ose do të të zhdukim’, pastaj më shanë dhe ofenduan”, tha Turhanaj.
Zgjedhjet parlamentare të 25 prillit, u fituan nga Partia Socialiste, e cila siguroi 74 mandate, dhe do të qeverisë sërish e vetme në 4 vitet që vijnë.
Por, sipas opozitës, zgjedhjet ishin të manipuluara, dhe se qeveria hodhi shuma të mëdha parash për të blerë vota.
Megjithatë, pavarësisht kontestimeve të opozitës, zgjedhjet u njohën nga ndërokmbëtarët dhe shumë liderë botërorë uruan kryeministrin Edi Rama.
