Gazetari dhe analisti, Dritan Hila, ka ngritur shqetësimin e atyre që cilësohen si të ‘fortë’ dhe janë liruar nga burgu, teksa ka qenë i ftuar në emisionin “Arena”. Ai madje ka përmendur faktin se të fortët e liruar nga burgu, e kanë marrë atë në telefon, pasi ai i ka përmendur emrin. Hila, mjaft i shqetësuar për situatën kriminale në vend, u shpreh se situata mund të përkeqësohet edhe më tej.
“Të mos harrojmë një shqetësim që ngriti Mit’hat Havari, këtu do të fillojë përsëri rrethi i krimit, dhe ty edhe gazetarët e kronikës. Po them kaq gjë. Më kanë marrë mua në telefon, kur ju kam përmendur emrat, këta të liruarit nga burgu që kam përmendur më kanë marrë në telefon. “Çfarë ke që përmend emrin tim”, thotë. Po ta them unë, jam gazetar, jam njeri publik, më kanë marrë në telefon”.
