Në orët e para të mëngjesit, një mjeti në Bulqizë i është vendosur eksploziv. Lënda plasëse ishte vendosur në pjesën e përparme të automjetit të shtetasit Elton Debreshi, ku janë shkaktuar vetëm dëme materiale.
Debreshi ka qenë ish-kandidat i pavarur për deputet në Dibër, në zgjedhjet e 25 prillit. Burimet zyrtare njoftojnë se janë shoqëruar në Komisariat disa persona që dyshohen se mund të kenë dijeni për rrethanat e ngjarjes.
Ai punon prej 10 vitesh në minierë, dhe në 3 vitet e fundit bashkë me disa kolegë të tij në minierë janë organizuar për të kërkuar kushte më të mira pune.
Njoftimi
“Rreth orës 01.00, datë 27.08.2021, në pjesën e përparme të automjetit të shtetasit E. D., dyshohet se është vendosur dhe ka shpërthyer një sasi e vogël lënde plasëse dhe si pasojë janë shkaktuar vetëm dëme materiale. Nga shërbimet e Policisë janë shoqëruar në Komisariat disa persona që dyshohen se mund të kenë dijeni për rrethanat e ngjarjes. Grupi hetimor nën drejtimin e Prokurorisë Dibër po vijon punën për zbardhjen e ngjarjes, dhe kapjen e autorëve”.
