Prej ditësh, Kreu i Shtetit ka nisur një ofensivë kundër kreut të KED, duke hedhur një arsenal akuzash në adresë të tij. Sot, presidenti Ilir Meta i ka cilësuar të korruptuar ata diplomatë që mbështesin kreun e Këshillit të Emërimeve në Drejtësi, Ardian Dvorani. Nga “Open” në Top Channel, Meta paralajmëroi se do të kërkonte hetim ndërkombëtar ndaj tyre.
“Ata ambasadorë që dolën në mbrojtje të Dvoranit, janë të korruptuar dhe do të kërkoj hetim ndërkombëtar për ta. Ata janë totalisht të korruptuar. Të paktën ata që e kanë dëgjuar këtë gjë.
Pastaj do t’i mbledh të gjithë ambasadorët, dhe t’ua bëjmë siç ua bëjmë fëmijëve në klasë të parë. Vjedhja është kaq e madhe. Duan të mbulojnë fytyrat e tyre për këtë dështim, dhe të nëpërkëmbin institucionin që është shpresë për shqiptarët, Gjykatën Kushtetuese. Nuk ka ndërkombëtar që të mbështesë një pakicë që të shtypë shqiptarët”, u shpreh ai.
“Dvorani do bëhet shembull”, Meta flet për videon korruptive
