Ish-konkurrentja e “Hell’s Kitchen” Ani Alku, do të jetë një ndër vajzat që do të shoqërojë Renato Mekollin në sezonin e dytë të emisionit. Është vetë Renato i cili njofton ndjekësit e tij, me anë të një postimi në Instagram.
Ani rikthehet në kuzhinën e ferrit, si krahu i tij i djathtë, dhe si një profesioniste e vërtetë.
Statusi
A e mbani mend Anin, së cilës ja nxiva jetën, me të bërtitura, në Hell’s Kitchen? Epo ja pra si vijnë punët ?, sot Anin po jua prezantoj si një nga ndihmëset e mia në “Hell’s Kitchen Albania 2”. Kot nuk thonë, pas çdo të “keqe” vjen një e mirë. Ani do të jetë përsëri në kuzhinën e ferrit, këtë herë si krahu im i djathtë, si një profesioniste që u rrit edhe më shumë pasi u shfaq në atë sfidën e parë. Kur kalon portën e Hell’s Kitchen, veç fati i mirë e suksesi të ndjek nga pas. Ndaj vajzaaa e gra, kudo që jeni ejani përballuni me sfidën më të egër, por dhe më të bukurën në Shqipëri! Ejani ndjejani lezetin “sherrit” me mua, “djallin”. Debati ju bën edhe më të forta, sfida ju hap dyer edhe më të mëdha.
Audicionet vazhdojnë edhe javën tjetër
Dt 27-28-29 Gusht
Ora 16:00-20:00 tek Piramida
Ani nga Tirana dashuron gatimin dhe kuzhinën. Ajo u bë pjesë e kastit të Hell’s Kitchen me dëshirën e madhe, që në të ardhmen të bëhet një shefe kuzhine.
Eksperienca përkrah shef Renatos i dha Anit për aq kohë sa ishte pjesë e programit, mundësinë e trajnimit, por edhe përmisimin e njohurive të saj në fushën e gastronomisë.
