Ditën e djeshme, një helikopter dhe një avion i vogël u përplasën gjatë fluturimit, mbi ishullin e Majorkës, e ku për pasojë 7 persona humbën jetën.
Në këtë aksident tragjik ajror, është shuar një familje tërë. Bëhet fjalë për biznesmenin e njohur gjerman, August Inselkammer Jr, bashkëshortn e tij Christina dhe dy fëmijët e tyre Max, 11 vjeç dhe Sophie, 9-vjeçe.
Inselkammer, vinte nga një familje e njohur sipërmarrësish të prodhimit të birrës. Ndërsa mësohet, se në momentin kur ndodhi ngjarja, familja e tij ishin rrugës për të festuar 43-vjetorin e tij të lindjes me disa miq. Ende nuk dihet se cilat kanë qenë shkaqet e këtij aksidenti të rëndë.
Përveç familjes së biznesmenit kanë ndërruar jetë edhe tre persona të tjerë. Midis tyre piloti italian i helikopterit, Cedric Leoni si dhe dy persona të tjerë. Në Majorka, në vendin ku ka ndodhur aksidenti tragjik, janë shpallur tre ditë zie në nder të viktimave.
