Një 45-vjeçar, shtetasi I.M u arrestua në kushtet e flagrancës nga policia, pasi ishte punësuar në mënyrë të parregullt në një lokal, ku ushtrohet veprimtaria e paligjshme e basteve sportive.
Në kërkim, është shpallur pronari i subjektit, shtetasi J. Sh., 41 vjeç, banues në Krumë, Has.
”Shërbimet e Policisë, gjatë kontrollit të ushtruar në subjektin bar-kafe në pronësi të shtetasit J. Sh., ku ishte i punësuar në mënyrë të parregullt shtetasi I. M., kanë gjetur dhe sekuestruar 4 kompjuterë (njëri pre prej tyre me programe për bastet sportive) dhe pajisje të tjera që shërbenin për zhvillimin e lojërave të fatit’’, informon policia.
Materialet procedurale i kaluan Prokurorisë pranë Gjykatës së Shkallës së Parë Kukës, për veprat penale “Organizimi i lotarive të palejuara”, “Punësimi i paligjshëm”, “Fshehja e të ardhurve” dhe “Vënia në dispozicion e lokaleve për lojëra të palejuara”.
