“Harrove djalin në spital për jetën e luksit, Jese nuk je njeri”

Ish-lojtari i Real Madrid dhe PSG-së, që tashmë luan për Stoke City në Premier League, Jese Rodriguz është akuzuar rëndë nga ish e dashura e tij. Rodriguez ka edhe një fëmijë me Aurah Ruiz, të cilët tashmë janë të ndarë.

Ruiz ka ngritur akuza të rënda ndaj 25-vjeçarit, pasi fëmija i tyre ka lindur me probleme dhe akoma gjendet në spital, ndërsa ai nuk i ndihmon aspak dhe shpenzon për jetë luksi.

“Fluturime me avion privat, fotografi me diamante që vlejnë mijëra euro, ndërsa rrobat e djalit tënd lahen në lavaman me dorë dhe ai është në spital”, ka shkruar Ruiz në Instagram. “Vazhdo të shpenzosh para me miqtë e tu, të udhëtosh, të blesh makina dhe rroba të shtrenjta, ndërsa djali yt ka probleme. I ke vënë qëllim vetes të na dëmtosh”.

“Në fillim më hoqe të vetmin vend që kisha për të pushuar dhe më pas i the familjarëve dhe miqve të mi se ata duhej të paguanin për gjithçka. Familjarët e mi vijnë pothuajse çdo javë me avion pasi janë rraskapitur në punë sepse ata janë njerëz dhe e duan Nyan”.