Kur ka mbaruar dhe Champions League, me anë të votimeve në uefa.com është hedhur në votim edhe goli më i bukur i këtij edicioni. Kur të gjithë prisnin që çmimin ta fitonte roveshata e Cristianos apo ajo e uellsianit Gareth Bale në finalen e madhe, në mënyrë të habitshme është votuar një tjetër gol i Bale, ai i shënuar ndaj Borussia Dortmund.
Sulmuesi i Realit shënoi fluturimthi në “Signal Iduna Park” në fazën e grupeve. Ky gol mori 19% të votave. Roveshata e Cristianos përfundoi në vendin e dytë, ndërsa ajo e Bale në të tretin.
