Autoritetet britanike, shpeshherë kanë publikuar të dhëna shqetësuese lidhur me funksionimin e grupeve kriminale atje. Ata janë shprehur se bandat shqiptare të drogës po mbretërojnë në të gjithë territorin e Britanisë, duke i përshkruar ata si shumë të rrezikshme.
Por, përveç bandave ata kanë ngritur në sërë shqetësimesh lidhur me numrin e lartë të azilkërkuesve shqiptarë të cilët kanë hyrë në mënyrë ilegale në Angli. Pak ditë më parë “Daly Mail”, si rrallë herë kishte publikuar një shkrim të gjatë kushtuar azilkërkueseve shqiptarë në Britani. Ndërsa, sot në një shkrim të botuar nga liverpoolecho.co.uk, ngre shqetësimin e lulëzimit të bandave të drogës dhe prostitucionit në Liverpul. Lidhur, me funksionimit e rrjetit të prostitucionit e vë theksin tek fakti se komuniteti i punonjësve të seksit që vijnë nga Shqipëria kanë nxitur tensione dhe përplasje me rrjetet funksionale në territor.
Artikulli
Bandat e drogës dhe grupet e prostitucionit që kanë mbijetuar për vite të tëra në Kensington tashmë mund të krijojnë rrethin e tyre të kuq në Liverpul. Janë ngritur shumë shqetësime se në rrugën e quajtur “Sheil Road”, po ngrihen grupe prostitucioni që mund të shpërndahen në zonat e Tuebrook dhe Anfield. Ndërsa, nga ana tjetër policia është në ndjekje të tutorëve dhe vajzave që kanë pushtuar territorin.
Këshilltari i Tuebrook, Steve Radford tha se raportet janë bërë shqetësuese dhe tani po i bën thirrje komunitetit për të ndihmuar.
Ai tha: “Kohët e fundit situata ke qenë alarmuese, ne kemi pasur informacione mjaft të mira lidhur me të rinjtë e përfshirë në bandat e drogë dhe potencialisht në rrjetet e prostitucionit”.
Ne jemi të shqetësuar, kemi pasur disa probleme në qendrën e mbikëqyrjes së meshkujve të rinj të cilët janë përfshirë në bandat drogës. Kemi pasur shumë bashkëpunim me policinë lidhur me disa çështje .
Por dua ta bëj publikun të vetëdijshëm, nëse të rinjtë tuaj vijnë në shtëpi, të cilët janë përdorues të drogës dhe alkoolit mos i përkrahni, për kontaktoni autoritetet“. 
Për çështjen e punonjësve të seksit, Cll Radford shtoi: “Ne nuk duan që Tuebrook të bëhet si Kensington. Duam ta trajtojmë situatën që në fillim. Ne tashmë kemi probleme në Parkun e Neësham-it pjesë e lagjes sonë ku kufizohet me Kensington-in, kemi probleme të vërteta atje – ne kemi pasur tension midis prostitutave që kanë qëndruar më gjatë në komunitet sesa disave që vijnë nga pakicat etnike, sidomos të komunitet shqiptar, të cilat kanë shkaktuar shumë fërkime”.
Policia e Merseyside tha se është e vetëdijshme për ndikimin e një aktiviteti të tillë në Kensington dhe lagjet e afërta të tilla si Tuebrook.
Inspektori i Komunitetit për Kensington dhe Tuebrook, Bobby Woodhall tha: “Ne po vazhdojmë të trajtojmë shqetësimet në Kensington dhe Tuebrook, me një sërë masash për të ulur sjelljen anti-sociale, kriminalitetin dhe për të mbrojtur njerëzit në nevojë.
Në javët e fundit, oficerët kanë vënë në shënjestër shkelësit e dyshuar që kanë qenë përgjegjës për trajtimin e drogës në zonë”.
“Ne jemi të vetëdijshëm për çështjet që kanë të bëjnë me prostituta në Rrugën e Sheil dhe zonën përreth, dhe ndikimi që ka kjo situatë në të gjitha komunitetet. Ne kemi përdorur një sërë taktikash për të adresuar shqetësimet e njerëzve që jetojnë në zonë.
Çdokush që ka ndonjë informacion për sjelljen anti-sociale në komunitetin mund të telefonojë policinë në 101 ose Crimestoppers në mënyrë anonime në 0800 555 111”. TIRANA TODAY
