Vera dhe plazhi janë akoma larg. Shirat e majit, të ndërprera ditët e fundit, do të rikthehen në fundjavë. Sipas Meteoalb, shirat e dobët do të shoqërojnë territorin deri të dielën, kryesisht në zonat malore. Bregdeti dhe zonat e ulëta vijojnë në ndikimin e kthjellimeve dhe vranësirave të shpeshta, të cilat gjatë pasditeve rrezikojnë shira në zonat malore.
Fundjava paraqitet me kthjellime kryesisht ditën e shtunë, ndërsa e diela do të rrezikohet nga shira të dobët e lokalë gjatë orëve të pasdites. Dita e hënë sërish sjell shirat në pjesën më të madhe të territorit.
Temperaturat e ajrit vijojnë të rriten, duke arritur deri në 30 gradë C.
