Ramush Haradinaj ka zbuluar “ofertën” që i ka bërë Lëvizjes Vetëvendosje për një koalicion mes tyre.
Kreu i AAk-së tha në emisionin “Argument Plus” se i ka ofruar VV-së postin e kryeministrit, por e kanë refuzuar.
Kreu i AAK-së, Ramush Haradinaj, në emisionin ‘Argument Plus’ tregoi se para zgjedhjeve i ka ofruar Lëvizjes Vetëvendosje postin e kryeministrit.
“Është mirë te vërtetohet edhe kjo që unë ja kam ofruar Vetëvendosjes kryeministrin para zgjedhjeve, por nuk kanë dashur ta merrnin. E kemi marrëveshje me shkrim. Gjashtë muaj para zgjedhjeve Vetëvendosja e ka pas në tavolinë marrëveshjen për koalicion parazgjedhor”, tha Haradinaj, cituar nga 21Media.
Ai thotë se VV nuk ka qenë e gatshme për ndryshim, duke shtuar se nuk mban shpresë që t’i bashkohen në formimin e qeverisë.
“Ata e kanë fokusimin tek vetvetja, jo tek proceset në vend për këtë arsye edhe kam shkuar kësaj rruge që jam sot”, përfundoi Haradinaj.
