Kryetari i AAK-së Ramush Haradinaj ka treguar arsyen se përse votoi për rrëzimin e Qeverisë Kurti.
Ai deklaroi se mbështetja e partisë së tij ndaj mocionit të LDK-së, është tërësisht parimore dhe se ka të bëjë me heqjen e taksës 100 për qind ndaj produkteve serbe dhe boshnjake.
“Po ta kish mbrojt zoti Kurti taksën, do të isha me të në ditën e mocionit. Ai nuk ka marrë parasysh letrat tona, lutjet tona. E ka heqë taksën pa nder dhe pa kundërvlerë”, tha Haradinaj në “TV Dukagjini”.
Haradinaj pohoi se e ka rrëzuar me shumë qejf këtë qeveri: “Më 20 mars e ka heqë taksën për lëndën e parë, e me pikën e tretë të vendimit e ka obliguar veten me heqë në tërësi më 1 prill. Këtë qeveri e kam rrëzuar me shumë gëzim”.
