Kryeministri Ramush Haradinaj tha në fjalën hapëse të mbledhjes së dy qeverive në Pejë, se Kosova dhe Shqipëria kanë parë gjithmonë nga njëra-tjetra, pavarësisht rrethanave historike. Po kështu ai i mëshoi faktit se populli shqiptar pret më shumë nga qeveritë e të dyja vendeve.
“Jam i vetëdijshëm se popujt tanë presin më shumë nga ne. Sot Kosova është palë kontaktuese me BE si dhe MSA, zbaton prioritetet e reformës evropiane, si dhe ka plotësuar detyrimet për liberalizim të vizave”, deklaroi ai.
“Në fund të mbledhjes, Kosova dhe Shqipëria do të firmosin një sërë marrëveshjesh, të cilët do t’i shërbejnë ekonomisë dhe popullit shqiptar në tërësi”, tha më tej Haradinaj.
