Kryeministri në largim Ramush Haradinaj përgjatë një interviste për emisionin “Frontal” të “T7”, ka deklaruar se ai vetë ka qenë ideatori kryesor i vendosjes së taksës 100% ndaj produkteve serbe dhe boshnjake.
“Para se të vendosim taksën, jemi konsultuar me policinë, doganat dhe institucionet e tjera se nëse e vendosim këtë tarifë a do të kemi mundësi të mbajmë, dhe jemi dakorduar që po”, tha Haradinaj.
Ai ka thënë se qeveria e re nuk duhet ta heqë taksën ndaj Serbisë deri në njohje.
Sipas Haradinajt, as Albin Kurti as Vjosa Osmani nuk do të kenë nevojë që të frikësohen nga taksa sepse ndërkombëtarët nuk do të kërkojnë që të hiqet: “Nuk kanë arsye që ta heqin taksën sepse tema e taksës është konsumuar dhe ndërkombëtarët as që do t’ia kërkojnë që ta heqin dhe besoj që Albin Kurti nuk do ta heqë atë”.
