Disa javë më parë familja Gashi udhëtoi nga Lauterbach për në Kosovë, edhe pse kjo familje ishte e mirë integruar në fshatin gjerman.
Fëmijët ishin integruar në fshat, shkonin në shkollë dhe në çerdhe, babai i tyre ishte i punësuar me kohë të plotë dhe nëna punonte dhe arrinte të merrte 450 euro. Familja Gashi duhej të linte apartamentin, mobiliet dhe makinën e tyre pasi ata u dëbuan menjëherë, raporton media gjermane nrwz.de.
“Ne, policia na ka ngritur në mes të natës nga krevati bashkë me fëmijët”, është shprehur Ardiana Gashi. “Kur morëm refuzimin nga Komisioni i Vështirësive, ne e dinim se nuk mund të qëndronim shumë gjatë. Kjo është arsyeja pse ne preferuam të largohemi vullnetarisht”.
Ardiana dhe Shpëtim Gashi ishin në gjendje të strehonin me tre bijat e tyre pas mbërritjes së tyre në Kosovë te babai i Shpëtimit, i cili ka një banesë me 5 dhoma.
Tani të dy prindërit kanë gjetur punë: Ata po punojnë në telemarketing, falë aftësive të tyre për të folur gjuhën gjermane. Në fillim të shtatorit ata do transferohen në Prishtinë në një apartament i cili ka dy dhoma.
Nga paratë që atyre ua dhuruan shoqatat në Lauterbachers, ata mund të paguajnë dy muaj qiranë.
Vajzat e familjas Gashi ishin me fat: Më e madhja Orgesa mund të vazhdojë klasën e tretë pas pushimeve. E mesmja, Ornela, është regjistruar në klasë të parë, megjithatë ajo nuk e flet mirë gjuhën shqipe. Më e vogla, Erona, do të hyjë në kopshtin e fëmijëve në Prishtinë.
Shpresoj të ktheheni në Lauterbach
Kur u pyetën nëse ata ende duan të kthehen në Gjermani, një përgjigje e menjëhershme u del nga zemra: “Pooo”. Atje ata kanë lënë shumë miq, të afër por edhe mobiliet e tyre që janë tashmë të paketuara plus që kanë lënë edhe makinën në Lauterbach. Falë rrjeteve sociale vajzat e tyre mund të ruajnë kontaktet me të afërmit e tyre.
Por, sa më shpejt që të jetë e mundur, familja Gashi dëshiron të kthehet në Gjermani. Por së pari duhet të presim: për të aplikuar për një vizë pune, së pari do lanë një takim në ambasadën gjermane. Kjo gjë kërkon muaj./TIRANA TODAY/
