Ditën e sotme autoritetet kineze kanë njoftuar se do të ndërtojnë një tjetër spital gjigant për të akomoduar të prekurit nga virusi misterioz. Mësohet se spitali i ri do të ketë kapacitet prej 1300 shtretërish dhe është i dyti që po ndërtohet në kohë rekord.
Më herët u njoftua një i tillë po ndërtohet në Wuhan, ku është dhe origjina e virusit dhe do të ndërtohet brenda 6 ditëve. Ky spital pritet të jetë gati më datat 3 shkurt. Ndërsa, spitali i dytë që do të ndërtohet për të akomoduar të prekurit nga virusi misterioz kinez do të përfundojë rreth mesit të shkurtit.
Deri tani janë raportuar 41 viktima nga virusi si dhe rreth 1287 të prekur. Sot, në karantinë u vendosën dhe 15 qytete të mëdha, duke e çuar mbi 56 milionë numrin e njerëzve në karantinë.
