Deputeti i partisë demokratike, Eduart Halimi në një deklaratë për median i ka kërkuar kryetarit të kuvendit Gramoz Ruçit që të bëjë menjëhërë mbledhjen e këshillit të mandateve dhe ti heqin mandatin e deputetit Saimir Tahirit sipas kërkesës së Prokurorisë së Krimeve të Rënda.
Halimi: Thirrje Gramoz Ruçit që të bëjë mbledhjen e këshillit te mndateve të deputeteve. Kërkojmë që Tahirit i hiqet menjëhërë mandate siapas kërkesës së Prokurorit.
Më herët Prokuroria e Krimeve të Rënda në shkresën e dërguar Kuvendit të Shqipërisë, kërkon autorizimin për heqjen e imunitetit të deputetit Saimir Tahiri, në vijim të një hetimi të nisur për veprat penale të “Trafikut të narkotikëve”, kryer në bashkëpunim, në formën e posaçme të grupit të strukturuar kriminal dhe “Korrupsionit pasiv të zyrtarë të lartë shtetërore dhe të zgjedhurve vendorë”, parashikuara nga nenet 283/a/2 dhe 260 të Kodit Penal.
Kjo kërkesë vjen pas përfshirjes së Saimir Tahirit në dosjen “Habilaj”, ku deputeti dyshohet si i përfshirë në trafikun e drogës.
Prokuroria për Krime të Rënda po zhvillon hetime, në bashkëpunim me autoritetet italiane.
Në bazë të të dhënave të përftuara në kuadër të këtij hetimi, Prokuroria për Krime të Rënda kërkon nga Komisioni i Mandateve në Kuvendin e Shqipërisë dhënien e autorizimit për “arrestimin, heqjen e lirisë dhe kontrollin personal e të banesës” për deputetin Saimir Tahiri.
