Presidenti Meta ka reaguar për shoqërimin në polici të Kastriot Islamit. Ky i fundit pretendon se është shoqëruar në Komisariat, me urdhër të Ramës. Ish-deputeti u shoqërua në orët e mbrëmjes, pasi kishte dalë pa maskë nga Liqeni Artificial, teksa po bënte ecjen e përditshme.
Ai thotë se është prezantuar si Kastriot Islami, por gjithsesi është shoqëruar forcërisht. Në lidhje me këtë çështje, kreu i shtetit Ilir Meta ka kërkuar ndjesë për atë që e cilëson si një akt të turpshëm dhe provokativ që ndodhi ndaj Islamit. Sipas Metës, kjo ka qenë për hakmarrje politike dhe personale.
“Solidaritet të plotë me Profesor Kastriot Islamin dhe ndjesë për këtë akt të turpshëm dhe provokativ, që ndodhi ndaj tij për hakmarrje politike dhe personale”.
