Policia ka vijuar hetimet për vrasjen e Kastriot Reçit, dhe ka shoqëruar sot disa persona. Sipas informacioneve bëhet me dije se të shoqëruarit do të merren në pyetje në lidhje me ngjarjen.
Ditën e djeshme, biznesmeni Kastriot Reçi u ekzekutua në qendër të Rrëshenit. 47-vjeçari është qëlluar nga një person me snajper, me vetëm një goditje sapo ka dalë nga lokali i tij.
Policia ka ofruar 2 milionë lekë të rinj kush jep informacion të saktë, që do çojë në zbardhjen e vrasjes së Kastriot Reçit në Rrëshen, identifikimin dhe vendndodhjen e autorëve.
Po kështu janë marrë në pyetje edhe dëshmitarë të tjerë, për të zbardhur rrethanat e ngjarjes apo lëvizjet e biznesmenit. Po kështu burime nga grupi hetimor bënë me dije se para se të vritej, ai kishte lënë takim me një grua për çështje pune. Askush nuk e di ende se kush ishte personi në fjalë, por policia po heton të gjitha lëvizjet e tij për të arritur tek identifikimi i autorit të vrasjes.
