Një aksion si nëpër filma ka ndodhur në Greqi, ku hajdutët janë ndjekur për 20 minuta. Gjatë këtij harku kohor, policia ka qenë një aksion për të kapur dy shqiptarët, identiteti i të cilëve nuk bëhet me dije.
Dy hajdutët shqiptarë janë arrestuar nga policia greke, ndërsa ngjarja në fjalë ka ndodhur katër ditë më parë. Detajet i kanë përcjellë mediat greke. Shqiptarët kanë sulmuar policinë, për të shmangur arrestimin.
Një nga oficerët e policisë ka dëshmuar se një prej hajdutëve, ka hedhur nga motori kolegun e tij.
“Njëri prej tyre hodhi kolegun tim nga motori, duke iu rrezikuar jeta”, dëshmoi një nga oficerët e policisë, i cili arrestoi autorët.
Gjithçka nisi në kryqëzimin e rrugëve Petras dhe Nafplio, ku grabitësit shqiptarë po udhëtonin me një automjet. Policia është vënë në ndjekje të tyre. Pasi kanë parë se policia ishte në ndjekje të tyre, ata e parkuan makinën më tej dhe ecën në këmbë mbi linjën e trenit.
