Vjedhja e banesave është një problem shqetësues në shumë vende të botës. Momenti më i mirë për hajdutët është kur të zotët e banesës nuk janë në shtëpi. Një fat jo i mirë ka ndjekur disa ditë më parë ish-kryeministrin italian Romano Prodi dhe gruan e tij Flavia.
Ata të dy kanë bërë publike rastin e vjedhje së banesës së tyrë, akt i cili ka mërzitur dhe demoralizuar shumë çiftin.
“Ata na morën kujtimet e jetës ,të gruas sime dhe të miat, sende që ia kishte dhuruar gjyshja e saj, medalje, kujtimet e jetës politike, ato të jetës personale”, tha Prodi per mediat italiane
Ngjarja ndodhi natën ndërmjet të premtes dhe të shtunës, ku hajdutët, kanë përfituar pikërisht nga fakti se ne shtëpi nuk kishte njeri dhe janë futur duke vjedhur kryesisht bizhu, të cilat kapin vlerën e 30 mijë eurove.
Sipas mediave italiane sot, sendet e vjedhura kanë më së shumti se çdo gjë tjetër vlerë emocionale për Prodin dhe gruan e tij.
“Ata morën gjithçka, jo shumë gjëra me vlerë, një orë të bukur të gruas sime etj, por nuk është ky është problemi, ata na morën jetën”, tha ai.
