Shtatëmbëdhjetë të dyshuar janë arrestuar deri më tani për vrasj*en e presidentit të Haitit dhe autoritetet haitiane thonë se dy autorët besohet të kenë shtetësi të dyfishtë amerikano-haitiane dhe nga ana tjetër qeveria kolumbiane thotë se të paktën gjashtë janë ish-anëtarë të ushtrisë së saj.
Léon Charles, shefi i policisë kombëtare haitiane, tha të enjten në mbrëmje se 15 nga të arrestuarit ishin nga Kolumbia. Shefi i policisë tha se tetë të dyshuar të tjerë ishin në kërkim dhe tre të tjerë u vranë nga policia. “Ne do t’i sjellim ata para drejtësisë,” tha shefi i policisë, 17 të dyshuarit u shfaqën me pranga të ulur në dysheme gjatë një konference shtypi mbi zhvillimet pas vrasjes së Presidentit Jovenel Moïse në shtëpinë e tij para agimit të së mërkurës.
Qeveria kolumbiane tha se ishte pyetur për gjashtë nga të dyshuarit në Haiti, duke përfshirë dy nga të vrarët dhe rezultoi që ata ishin anëtarë në pension të ushtrisë së saj, por pa lëshuar identitetet e tyre.
