Komisioneri për zgjerimin Johannes Hahn, ka folur për strategjinë për integrimin e Ballkanit Perëndimor në BE. Ai është shprehur se çdo gjë varet nga reformat.
“Qëllimi është integrimi i Ballkanit Perëndimor në BE. Unë dua të theksoj se kërkohet ambicie për të arritura ato çfarë ne kemi kërkuar të gjitha kushtet tonë. Duhet ta shfrytëzojmë këtë moment për zgjerimin e BE. Vendet anëtare në asnjë mënyrë nuk do t’i pranojnë anëtarët e rinj nëse nuk përmbushin standardet tone. Këtu mund të përmendim Kosovës, e cila ka dhënë rezultate pozitive. Rruga e dialogut mes Serbisë dhe Kosovës, po ecën mjaft pozitivisht. Ne po ushtrojmë presion pozitiv në rajon. Qëllimi është që të kemi rezultate, pozitive që të kemi qëndrueshmëri. Po ashtu dhe ekonomia është një edemet i rëndësishëm dhe potencial. Në mënyrë që të kemi progres, ne duhet të mbështesim partnerët tanë.
1-E para është sundimi i ligjit
2-Zhvillimi ekonomik
3-Pajtueshmëria, pra marrëdhënie të mira të vendeve me njëri-tjetrin që duhet të ndërmerren brenda vitit 2018.
E gjitha ka të bëjë me përmirësimin e Ballkanit Perëndimor. Kjo do të ndihmojë në sektorin ekonomik. Ky është një moment pozitiv, që është promovim dhe motivim”, tha Hahn.
Ndërsa duke u ndalur tek vrasja e politikanit serb në Mitrovicë, Oliver Ivanov, Hahn u shpreh se “Nëse një ngjarje e tillë do të kishte ndodhur vite më parë, padyshim që do të kishte sjellë dhunë. Por, këtë vit Thaçi dhe Vuçiç folën në telefon. Ky është një rezultat i të gjitha përpjekjeve”. TIRANA TODAY
