Deputeti i PD-së, Ervin Salianji, është shprehur se ka takuar personalisht ‘dëshmitarin X’ së bashku me gazetarin Jetmir Olldashi dhe ka qenë i pranishëm në bashkëbisedimin telefonik mes ‘dëshmitarit X’ dhe Agron Xhafës, vëllait të ministrit të Brendshëm Fatmir Xhafaj.
Salianji deklaroi në ‘Opinion’ se dukej qartazi afrimiteti mes të dyve. Në lidhje me audio-përgjimin, deputeti demokrat tha se janë kryer të gjitha verifikimet nëse personi që komunikonte përtej telefonit ‘dëshmitari X’ ishte Agron Xhafaj.
