Papa Françesku ka kërkuar falje për të gjithë të krishterët që paguajnë gra në këmbim të seksit, duket thënë se burrat që veprojnë në këtë mënyrë janë kriminelë, kanë mentalitet të sëmurë dhe mendojnë se gratë ekzistojnë për t’u shfrytëzuar.
“Kjo nuk është të bësh dashuri. Është të torturosh një femër. Le të mos i ngatërrojmë termat”,tha Françesku. Papa i bëri këto komente gjatë një sesioni intim, katër orësh, me 300 të rinj të ftuar nga Vatikani në Romë, shkruan Dailymail.
Qëllimi i seancës ishte të ndihmonte udhëheqësit e kishës të mësonin rreth qëndrimeve të të rinjve ndaj Kishës Katolike. Papa Françesku, i cili ka bërë shumë në luftën kundër trafikimit të qenieve njerëzore dhe skllevërve seksualë, u kërkoi të rinjve që ta marrin seriozisht luftën kundër trafikimit dhe prostitucionit të detyruar. TIRANA TODAY
