Grida Duma shquhet për linjat e saj. Ajo ka dhënë recetën e të jetuarit shëndetshëm, dhe padiskutim që ka të bëjë me mënyrën sesi ajo ushqehet. Ndryshe nga çfarë na është servirur në media, ku pjesën më të madhe të kohës klasa politike konsumon ushqimin në lokale, deputetja e PD është një rast përjashtimor.
Ajo, në një intervistë për emisionin “My Living”, ka zbuluar se i është rikthyer një zakoni të vjetër, duke marrë diçka nga shtëpia, çfarëdo qoftë.
“Ndodh që porosisim në zyrë. Unë jam kthyer te koncepti i shëndetshëm. Nuk është çështje reklamimi. Të marrësh pak ushqim me vete nga shtëpia. Nuk ka rëndësi nëse është e gatuar, apo është një tost sipas stilit tënd.
E ke bërë vetë dhe të shijon në mënyrën tënde. Përpiqem të heq gjalpin, meqe po flasim për stil jete. Kudo që ti shkon të porosisësh këtë, nuk ja thua dot dikujt, përdor këto elemente të caktuara, se dhe e ofendon.
Ky kthimi tek gjërat që merren me vete më pëlqen shumë, dhe e shikoj si një mënyrë për të qënë në një formë normale. Të ngrënit shpesh dhe pak. Mund të mbaj një gjë në çantë, dhe kur kuptoj që ka ardhur momenti të konsumoj një gjë, sepse e kërkon stomaku, e konsumoj”, ka treguar Grida Duma.
