Legjenda e futbollit, Diego Maradona beson se trajneri më i mirë në botë është ai i Manchester Unites, Jose Mourinho.
Në një intervistë për Marca, trajneri i Dorados tha se Mourinho është një trajner më i mirë se ai i Manchester City, Pep Guardiola.
Duke komentuar të dy këta drejtues, Maradona tha se Mourinho është trajneri më i mirë në botë, ndërsa shtoi se stili i Guardiolës funksionon sepse gjatë karrierës së tij ai ka pasur një mbështetje të madhe sa i takon fuqisë blerëse.
“E kam thënë më shumë se një herë që tiki-taka nuk u shpik nga Guardiola. Ishte shpikje e Cruyff. Për momentin Pep është në gjendje të zgjedhë cilin lojtar të dojë në botë. Kështu, në këtë mënyrë, tiki-taka është më e thjeshtë. Si trajner kam nevojë të mësoj shumë më tepër dhe për këtë arsye mendoj se do të shkoj tek Manchester, pra të Mourinho dhe t’i kërkoj të më mësojë shumë gjëra, sepse ai është padyshim më i miri”, tha Maradona.
