Ambasadori i Turqisë në Shqipëri Hidayet Bayraktar ka konfirmuar se persona në kërkim për tentativë të dështuar për grusht shteti në Turqi janë fshehur në Shqipëri. Bayraktar tha se kanë bërë ndërhyrjet e tyre pranë autoriteteve shqiptare, madje kenë iniciuar dhe procese ligjore për këtë qëllim duke qenë në vëzhgim të këtyre personave. Në intervistë e dhënë për “ABC News” ai pranoi se një pjesë e tyre janë vendosur në Ballkan.
“Pas tentativës së dështuar për grusht shteti një pjesë e personave të lidhur me FETO –n, të ndierë fajtorë janë larguar nga Turqia me qëllim fshehjen e tyre nga drejtësia. Një pjesë e të larguarve me rrugë tokësore, për shkak të afërsisë gjeografike janë vendosur në shtetet e Ballkanit dhe një pjesë e tyre edhe në Shqipëri.
Ne jemi në ndjekje të tyre. Kemi bërë ndërhyrjet tona pranë autoriteteve shqiptare, madje kemi iniciuar dhe procese ligjore për këtë qëllim duke qenë në vëzhgim të këtyre personave. Për anëtarët e FETO-s duhet të jetë e qartë se Shqipëria për ta nuk do të jetë kurrë një port i sigurt. Ne vijojmë kontaktet tona me autoritetet shqiptare me qëllim që Shqipëria të mos kthehet në një vend ku strehohen dhe strukturohen tradhtarët e Turqisë dhe elementët të cilët përbëjnë kërcënim për vendin tone”, thotë Bayraktar.
