Policia ka zbardhur ngjarjen e rëndë të ndodhur mbrëmjen e djeshme në Klos, ku një 47-vjeçar u gjet i vdekur dhe me shenja dhune në trup, në banesën e tij. Sipas uniformave blu, viktima Ylber Elezi u qëllua me sende të forta nga bashkëshortja e tij Mine dhe vajza Aida.
Kjo i ka shkaktuar atij vdekjen e menjëhershme, teksa bëhet me dije se ndërmjet tyre ka patur një konflikt, që ka agravuar duke përfunduar me vdekjen e kryefamiljarit.
Materialet procedurale iu referuan Prokurorisë se Rrethit Gjyqësor Mat, ku nënë e bijë akuzohen për veprën penale “Vrasja për shkak të marrdhënieve familjare “.
Njoftimi i policisë
Klos, Mat
Zbardhet dhe dokumentohet ngjarja e ndodhur më datë 25.07.2021, në fshatin Gurrë e Vogël, Klos, ku u gjet pa shenja jete shtetasi Y. L.
Arrestohet bashkëshortja dhe vajza e tyre, si të dyshuara për vrasjen e 47-vjeçarit.
Në vijim të veprime të kryera nga grupi i posaçëm hetimor, i ngritur në Komisariatin e Policisë Mat, nën drejtimin e Prokurorisë së Rrethit Gjyqësor Mat, në bazë të provave të grumbulluara u bë arrestimi në flagrancë i shtetaseve:
M. L., 51 vjeçe dhe A. L., 21 vjeçe (nënë e bijë).
Nga tërësia e veprimeve hetimore të kryera dyshohet se dy shtetaset e lartëpërmendura në bashkëpunim me njëra tjetrën, në banesë kanë goditur me sende të forta duke i shkaktuar vdekjen e menjëherëshme shtetasit Y. L.
Materialet procedurale iu referuan Prokurorisë se Rrethit Gjyqësor Mat, për veprën penale “Vrasja për shkak të marrdhënieve familjare “.
