Një ngjarje e pazakontë ka ndodhur në Agliana, të Italisë, në rrugën Selva, ku një 54-vjeçar i ka vënë flakën shtëpisë. Arsyeja që e ka dërguar shqiptarin të ndërmarrë këtë akt, ishte braktisja që i kishte bërë gruaja me fëmijët, shkruan gelocal.it.
Ekipet e shpëtimit e gjetën atë përballë dritares së banjës ndërsa shtëpia e tij ishte e mbushur me tym. Por, sipas karabinierëve të Pistoia, shqiptari ia kishte vendosur vetë flakën shtëpisë.
Ai ishte me profesion murator, dhe u arrestua për zjarrvënie. Këtë veprim e kishte bërë në shenjë hakmarrje ndaj bashkëshortes dhe dy fëmijëve, basi e kishin braktisur. Çifti prej kohësh po përjetonin një periudhë të vështirë, ose një krizë martesore. Familja e tij kishte shkuar tek të afërmit duke e lënë atë vetëm në apartament në rrugën Selva në Agliana.
54-vjeçari, kishte përdorur gaz natyror dhe i kishte vënë zjarrin shtëpisë e cila kishte tre dhoma, por më i rrezikshëm ishte fakti se pranë saj kishte edhe banesa të tjera. Fqinjët ishin alarmuar kur kishin parë tymin dhe menjëherë kishin lajmëruar zjarrfikësit të cilët kishin reaguar me shpejtësi.
Shqiptari, ngaqë kishte qenë vetëm në shtëpi ishte asfiksuar, i cili dërgua në qendrën shëndetësore në Misericordia, dhe ka pranuar se ishte një akt pasi po kalonte një krizë martesore, dhe kishte dashur të vetëflijohej.
Megjithatë, gjesti i njeriut, që rrezikoi jetën e tij dhe banorëve të shtëpive aty pranë është i pafalshëm. Policia e ka arrestuar dhe prokuroria do të marrë vendimin ndaj tij.
Zjarri kishte shkaktuar vetëm dëme materiale në orendi shtëpiake, pro jo dëme strukturore të banesë./TIRANA TODAY/
