Teksa Kina e jo vetëm po përballet me situatën ekstreme të coronavirusit, në Greqi po vdesin njerëzit nga gripi sezonal. Situata atje është e rëndë, ndërsa çdo ditë shtohen viktimat.
21 persona kanë humbur jetën që nga muaji tetor 2019 e deri më tani në Greqi, si pasojë e gripit sezonal të tipit A.
Sipas një raporti të Organizatës Kombëtare të Shëndetit Publik (EHEA), tetë persona vdiqën brenda një jave, mes tyre edhe një fëmijë 4 vjeç. Lajmin e kanë përcjellë mediat greke.
Ndaj, në këtë periudhë është vlerësuar nga ekspertët që institucionet arsimore si shkollat dhe kopshtet të mbyllen përkohësisht, për të parandaluar përhapjen e mëtejshme të virozave.
Autoritetet kompetente bëjnë thirrje për vaksinim sa më shpejt, pasi epidemia sezonale në Greqi pritet të zgjasë deri në fund të muajit mars.
