Teksa rastet e para të gripit të shpendëve janë konfirmuar në vendin tonë, epidemiologu veterinar Kujtim Mersini, ka treguar kategoritë që janë më të rrezikuar.
I ftuar në emisionin ”Shqipëria Live” në Top Channel, Mersini tha se grupi më i riskuar janë fermerët që mbarshtojnë shpendët në oborre, pasi kanë kontakte të drejtpërdejtë.
Megjithatë, sipas tij, rreziku që ata mund të sëmurën është shumë i ulët, sepse nuk është i përshtatur për trupin e njeriut.
Ndër të tjera, Mersini u shpreh se ky virus transmetohet përmes rrugëve ajrore, kontaktit me kafshët e ngordhura apo lëngjet trupore të shpendëve të ngordhura
Kujtim Mersini: ”Grupi më i riskuar janë fermerët që mbarshtojnë shpendët në oborre. Kanë kontakt të drejtpërdrejtë. Vetë rreziku që mund të sëmurën është shumë i ulët, sepse nuk është i përshtatur për trupin e njeriut. Transmetohet përmes rrugëve ajrore, kontakti me kafshët e ngordhura apo lëngjet trupore të shpendëve të ngordhura. Është virus jo shumë i fortë, në mbi 70 gradë denatyrohet. Pra në çdo lloj ushqimi që gatuhet më tempratura të larta s’ka problem. Produktet e fshatit janë më cilësore por me siguri më të ulët. Virusi përhapet tek shpendët, njeriu është bujtës aksidental. Risku i transmetimit nga shpendi tek njeriu është shumë i vogël”.
