Një nga themeluesit lëvizjes “Bleta Shqiptare”, Grid Rroji i ftuar në studiot e Ora News ka deklaruar se në parlament ka persona të inkriminuar. Rroji tha se në Elbasan nuk ka pasur zgjedhje nga viti 2009 e më pas. Në këtë qytet ka pasur përplasje të bandave që kontrollojnë trafikun ndërkombëtar të drogës.
“Dyshime që Burojnë nga disa fakte të mirënjohura. Shtyrja e afatit kohor të zgjedhjeve është akt i pa precedent. Shqiptarët i kanë bojkotuar zgjedhjet. Shumë njerëz që nuk kanë qenë atë ditë në Shqipëri rezulton që kanë votuar. Duhet të krijohet një forcë alternative sepse kjo pari politike nuk punon për shqiptarët. Zgjedhjet në Shqipëri nuk janë të lira dhe të ndershme. Kur të shpallet rezultati final nga KQZ për zgjedhjet atëherë dhe ndërkombëtarët di të janë dhe më kritik. Nuk mund të jenë zgjedhje të lira dhe të ndershme kur; presidenti i zgjedhur bën thirrje për luftë, apo kur kryeministri del në fushatë pa asnjë ide por kërkon vetëm timonin.
Në Shqipëri nuk ka parti të majta dhe të djathta. Në Shqipëria paria politike punon kundër interesave të shqiptarëve. Sa më shumë që sistemi ecën përpara aq më shumë bëhet dallimi midis atyre që vjedhin dhe që hanë shumë dhe atyre që janë të ndershëm dhe të tjerëve që janë të ndershëm dhe me zi ia dalin.
Në Elbasan nuk ka pasur zgjedhje nga viti 2009 e më pas. Në këtë qytet ka pasur përplasje të bandave që kontrollojnë trafikun ndërkombëtar të drogës. Qytetarët nuk kanë pasur mundësi të bëjnë asnjë lloj zgjedhje. Në këtë parlament do të këtë njerëz të inkriminuar. Gjithashtu Partia Demokratike është pa ideologji dhe në shërbim të krimit”, tha Rroji.
