Ndonëse pala greke me atë shqiptare ranë dakord për nisjen e udhëtimeve në 15 qershor, kjo datë është anuluar për shkak të situatës nga koronavirusi.
Ministri grek i Turizmit ka njoftuar se fluturimet ajrore do të jenë vetëm për ata që kanë leje qëndrimi dhe çështje pune, por jo për turistë. Po kështu, e njëjta gjë është vendosur edhe për pikat tokësore dhe detare.
Nuk do të lejohen kalimet e mjeteve për qëllime turistike, por vetëm ato me autorizim të posaçëm, ose për çështje pune.
Personat që kanë leje qëndrimi, nuk bëjnë pjesë në këtë vendim. Ata do të lejohen.
Ministri grek i Turizmit ka deklaruar se pikat kufitare tokësore greke do të hapen më datë 1 korrik dhe jo më 15 qershor për turistët, siç ishte deklaruar më parë.
“Ndalimi i fluturimeve nga Italia, Spanja dhe Hollanda do të hiqet më 15 qershor. Shqipëria dhe Shkupi janë të hapura vetëm për udhëtarët me qëllime specifike. Nga Aeroporti i Selanikut, të gjitha fluturimet lejohen, përveç Italisë, Spanjës, Hollandës, Britanisë, Turqisë, Shqipërisë dhe Shkupit. Kalimi i kufirit nga Turqia, Shqipëria dhe Shkupi nuk do të lejohet më 15 qershor ashtu siç u lajmërua më parë”.
