Greqia ndodhet në zi pas faljes së namazit të parë tek godina “Ayasofyas”, e cila u kthye nga muze në një xhami.
Mësohet se flamuri është ulur në gjysmë shtizë, ndërsa veç kambanave u këndua edhe një këngë kishtare, e njëjta që u këndua edhe kur Kostandinopoja u pushtua nga Osmanët.
Revoltë shprehën edhe qytetarët grekë të cilët dogjën flamurin turk në Selanik.
“Ato që ndodhin në Turqi nuk janë shfaqje force, por provë dobësie. Duhet të reagojë e gjithë bota. “Ayasofya” është më shumë se kurrë në zemrat e grekëve ortodoksë. Zemra na rreh aty. Dhimbjen duhet ta kthejmë me gjakftohtësi, forcë dhe bashkim”, tha kryeministri grek.
Turqia i quajti akte fashiste reagimin në shtetin fqinj. Por nga ana tjetër, edhe në Turqi ka polemika në lidhje me faljen e parë të namazit në xhaminë e “Ayasofyas”.
