Greqia ka konfirmuar rastin e parë të infektimit me koronavirusin vdekjeprurës.
Sipas mediave greke, bëhet fjalë për një grua 38-vjeçare nga Selaniku. Një përfaqësues i Ministrisë së Shëndetësisë theksoi se ajo sapo ishte kthyer nga veriu i Italisë. Sipas drejtuesit të Ekipit të Sëmundjeve Infektive, gruaja është në gjendje të mirë dhe ndodhet në një dhomë të posaçme në spital.
Ndërsa, mësohet se edhe të afërmit e saj janë izoluar për t’iu nënshtruar analizave.
