Greqia ka hyrë zyrtarisht në valën e dytë të pandemisë së koronavirusit.
Kjo gjë është konfirmuar për “Guardian”, nga një prej ekspertëve të sëmundjeve infektive në vend.
Greqia regjistroi numrin më të lartë të rasteve pozitive të dielën (203), duke bërë që vendi të arrijë në një fazë kritike në kapacitetet e tij për të përballuar përhapjen e virusit, shkruan Ansa.
“Mund të themi se Greqia ka hyrë formalisht në një valë të dytë të epidemisë. Kjo është pika kur mund ta fitojmë ose ta humbasim betejën”, ka thënë Gkikas Magiorkinis, asistent profesor i epidemiologjisë në universitetin e Athinës.
