Greqia ka njoftuar sot se do të çelë sezonin turistik nga data 1 korrik, duke theksuar se vizitorët nga disa vende nuk do të lejohen.
Zv/ministri i Mbrojtjes së Qytetarit shpalli çeljen e sezonit turistik me sloganin “Enjoy your stay, Stay safe”. Ai bëri me dije se kufijtë do të hapen me 38 vende evropiane, ku pjesë e listës është edhe Shqipëria.
Nga udhëtimet ajrore drejt Greqisë përjashtohen 9 vende: Maqedonia Veriore, Britania e Madhe, Suedia, SHBA, Rusia, Katari, Emiratet e Bashkuara të Arabisë, Arabia Saudite dhe Izraeli.
Ai sqaroi edhe rregulloren e re, ku sipas të cilës çdo udhëtar do të plotësojë deklaratën përkatëse në pikën e hyrjes në Greqi, me itinerarin e planifikuar në vend dhe kontaktet.
