Greqia ka përfunduar me sukses programin tre-vjeçar të shpëtimit të eurozonës, i cili ishte projektuar për ta ndihmuar atë të përballojë pasojat nga kriza e borxheve të saj. Për herë të parë pas tetë vitesh, Greqia tani është e lirë të huazojë para në tregjet financiare. Ekonomia greke është rritur ngadalë në vitet e fundit, por është ende 25% më e vogël se ishte në momentin kur filloi kriza.
Së bashku me ndihmën e Fondit Monetar Ndërkombëtar (FMN), huat që i janë dhënë Greqisë që nga viti 2010 arritën në më shumë se 260 miliardë euro – ndihma më e madhe në historinë financiare globale. Mekanizmi Europian i Stabilitetit (ESM) i siguroi vendit 61.9 miliardë euro (£ 55 miliardë, 70.8 miliardë dollarë) gjatë tre viteve. ESM është një fond i ngritur nga vendet që përdorin valutën e euros për t’u marrë me një krizë financiare
Kjo mbështeti përpjekjet e qeverisë greke për të reformuar ekonominë e trazuar të vendit dhe për të rikapitalizuar bankat e saj.
“Greqia mund të qëndrojë me këmbët e saj”, tha kryetari i ESM, Mario Centeno. Ai falënderoi popullin grek për bashkëpunimin e tyre dhe tha gjithashtu se nuk do të kishte “asnjë program të mëtejshëm shpëtimi” për herë të parë që nga viti 2010.
Megjithatë, liria e Greqisë për të menaxhuar çështjet e saj ekonomike do të mbikëqyret nga ekzekutivi i Bashkimit Evropian, Komisioni Evropian. Me kalimin e kohës, kreditë e dhëna për ndihmë do të duhet të shlyhen.
Duke duruar këtë periudhë të masave shtrënguese Greqia ka shmangur një Grexit [dalje greke nga Bashkimi Evropian] të mundshëm. Për një sistem politik që ka kaluar këto vite të masave shtrënguese, kjo thellësi e vështirësive ekonomike, dhe ka mbajtur një shoqëri funksionale, një demokraci funksionale, është provë fuqisë së Greqisë si një shtet modern.
E ardhmja në duart e grekëve
Nëse nuk do të ishte për incidentet katastrofike të Atikës Lindore të 23 korrikut që kushtuan të paktën 96 jetë dhe pa shkatërrimin në masë të pronës, sot e gjitha Greqia do të ishte në festë. Ekonomia po ecën me hapat e duhura falë numrit rekord të ardhjeve turistike në 2018, rënies së papunësisë nga 20 në 19.5 për qind në korrik, shtrydhjes së bizneseve dhe punonjësve të sektorit publik me paga të thata, të cilat sollën shifra më të larta se parashikohej dhe janë paraqitur si suksese të qeverisë dhe provë se ekonomia po shërohet dhe Greqia është në rrugën e rritjes.
Me një pagë minimale prej € 586, paga të ngrira, pensione të ulëta, mazhoranca lajmëroi “daljen e pastër” nga programi i shpëtimit. Mirëpo, falë këtyre masave të ashpra ,Greqia arriti të paguajë interesin e borxheve, ndërkohë që kapitali kolosal mbetet i paprekur.
Sipas Autoritetit të Pavarur për të Ardhurat Publike (AADE), tatimpaguesit grekë i detyrohen shtetit mbi 100 miliardë euro, ndërsa më shumë se gjysma e grekëve aktivë financiar (54 për qind ose pak më shumë se 4,000,000) kanë borxhe të papaguara ndaj shtetit, për të cilat qeveria do filloj punën t’i ulë këto shifra duke sjellë përmirësime të mëtejshme për ekonominë. (Burimi: SCAN)
