Imagjinoni që të jetoni në një vend si Shqipëria, Pakistani, Bangladeshi, Afganistani dhe shtetet e Afrikës së Veriut. Atje nuk mund të gjeni punë, dhe nëse gjeni ju nuk do të paguheni mirë. Dhe kështu ju vendosni që të largoheni. Nga toka, deti ose apo ajër, ju vendosni t’i drejtoheni Evropës. Shqiptarët për shembull si fillim shkuan në Greqi. Po ashtu dhe qytetarët nga lindja e mesme, shkruan powned.tv.
Por, shqiptarët që trokasin në dyert e Evropës, e kanë të vështirë që t’u hapen portat. Vetëm në dhjetor, rreth 600 shqiptarë janë dëbuar nga Greqia në kuadër të programeve vullnetare të riatdhesimit. Bëhet fjalë për shtetasit e huaj që qëndrojnë pa dokumente legale në shtetin grek, të cilët deportohen drejt vendeve të tyre.
Për muajin Dhjetor, nga Greqia janë dëbuar 1412 shtetas të kombësive të ndryshme. Emigrantët e paligjshëm shqiptarë renditen të parët, ekzaktësisht 591 persona. Të dytët renditen pakistanezët 273 persona dhe të tretët algjerianët 107 të tillë. Më pas lista vijon me shtetasit nga Iraku, Gjeorgjia, Irani, Bullgaria dhe Turqia. Sipas të dhënave zyrtare të autoriteteve greke, përgjatë gjithë vitit 2017 nga Greqia janë dëbuar 19.096 emigrantë të paligjshëm. TIRANA TODAY
